أين الثقة ..... !!

بسم الله الرحمن الرحيم

السلام عليكم ورحمة الله وبركاته

اشحالكم ؟

اخباركم ؟ عساكم بخير ؟!

في البدايه بخليكم مع قصة وبعد القصة بطرح اسئله لنناقشها .

تفضلوا القصة وتراها منقولة .

المهم هذي بنت مع بنت خالتها دوم دوم.....
وتسير معاها وين ما تبا....السوق ..عند ربيعاتها ..

بس في يوم من الايام بنت خالتها يتها الساعه 9 فليل...وكانت تباها تروح معاها..

البنت:بس الحين الوقت متأخر وما اظن اميه تطيع
بنت خالتها: يالله قومي عاد الا الجمعيه وبعدين ما بنطول..
البنت :امري لله بروح اخبر اميه..

وراحت البنت وخبرت امها وبزور طاعت...المهم طلعن مع دريول بنت خالتها البنت وهيه تطالع الطريق..
لاحظت ان الطريق هب طريق الجمعيه..

البنت: وين رايحين احنا..
بنت خالتها: الجمعيه وين بعد..
البنت:بس هذا هب طريق الجمعبه..
بنت خالتها:كل الطرق تودينا الجمعيه سكتي انتي بس..

وسكتت البنت الا وشويه وكانو واقفين عدال برزت "قعدت" شباب..

بنت الخاله :يله انزلي..
البنت :شوه انزل وين مودتنيه انتي..

لاحظت بنت خالتها انها ما طاعت زقرت الشباب حقها ينزلونها بالقوه..........و يو الشباب ومطوها من ايديها وهيه الخوف مخيم عليها وتزعق بأعلى صوتها..

البنت:خلوني يا الحقارى ..والله لرويج يا الحقيره وين يايبتنيه..

مارحموها الشباب وقعدو ايرونها لين البرزه......
قام من بينهم واحد مايعرف شوه السالفه وهذيلا ليش هنيه..
انتبهت له البنت وكأن شكله هب غريب عليها"هيه هذا ولد يرانا"وحطت عينها في عينه..
البنت وهيه ميته من الصياح:دخيلك شلنيه عنهم ..دخيلك تراني في ذمتك لين يوم القيامه.."وتأشر عليه"

الشاب ما كان يعرف شوه يسوي حزن لحال البنت....وسحبها من ايدهم وظمهت وردها ورا ظهره..
ورجع ورى لين ما وصل عند باب سيارته وفتحه وهيه وراه وطلع مسدس ..وقال
الشاب:اللي بيتقرب منها والله ما يلوم الا نفسه..بثور في راسه وما خاف من حد..

وركب البنت السياره من ورى وركب وحرك..
في السياره البنت جاتله عمرها من الصياح..

الشاب:انتي كيف تركبين معاها ونتي تدرين انها خايسه..
البنت تصيح وصياحا يقطع القلب :والله ما ادري قالت بنروح الجمعيه..وصدقتها ما كنت ادري ان بنت خالتيه بتسوبيه جذيه..
الشاب:مره ثانيه ما تركبين معاها لوشوه ما صار
البنت وهيه تصيح:ان شاءالله..

ونزلها البيت ونصحها كم نصحيه....

ماكمل اسبوع الا وهوه خطابنهاااااااااا......

الله يسعدهم..

ان شاء الله عيبتكم القصة .

الحينه بطرح اسئله وان شاء الله تجاوبون عليها :

شو الاشياء الي تخلي الشخص يثق بغيره ؟!

وكيف نعرف اذا الشخص جدير بالثقة ولا لا ؟!

وهل يوجد ثقه في هذا الزمن ؟

واذا شخص خان ثقتك شو ردة فعلك ؟

وشو النصيحه الي توجها لي الشخص الي يثق بالكل ويخونون فيه ؟

وبس واتمنى الموضوع نال اعجابكم ^^

والسمووحة ^_^

» ازرع الثقة بنفسك بـ 3 كلمات