كل عام وكل اماراتي بالف خير

بمناسبه اليوم الوطني 36

اهدييييكم هالقصيده

وكل عام وإماراتي بألف خير

عيد الوفـا رفـرف علينـا نسيمـه

و اتفتحت بالـورد و الـود لاكمـام

و اتميزت بيـن الأصـوات الرخيمـه

عصما اتـوج بالثنـا مفـرق الهـام

مافـي معانيهـا حـروف ذميـمـه

حشيمه تختـال مـا بيـن لاحشـام

مـن مخمـل الدانـات دره يتيـمـه

كالكاعب اللي من نظرهـا بهـا هـام

يا زايد اللـي لـك خصـال كريمـه

كاشمس ما تخفى على الخاص و العام

للمجدفـي الدنيـا شـروط عظيمـi

مسطرات فـي الصحايـف بالأقـلام

مـن مطلبـه شهـم قـوي العزيمـه

فـي حومـة الميـدان تلقـاه جـدام

و نفس على بذل النـدى مـا تليمـه

سمحا تنافس بالسخا طيـب لانسـام

و قلب فـلا يرضـى بسـو يضيمـه

عزيز مـا ينـذل جـاره و لا يضـام

و انته لزيم المجـد و انتـه نديمـه

و انت الكريم اللي بك اتشيـد لاكـرام

و انته حبيب الشعب و انته زعيمـه

يا درع شعبك مـن رعايـا و حكـام

و الله لو مالك علـى الوطـن شيمـه

يشهد بها شيـخ العشيـرة و لغـلام

و لو ما تصدرت الأمـور الجسيمـه

و لو ما تحملـت المتاعـب و الآلام

ولو ما بذلت اسمى المـروات قيمـه

ما رفرفت باعلـى سواريـك لاعـلام

و لولا جهـودك بالنوايـا السليمـة

بالله يا صـرح الإمـارات مـا قـام

و لا اختارنـا لـك جواهـر نظيمـة

فيها الولا لي مـا يثمـن و لا يسـام

نذكر فضـل زايـد و نذكـر لزيمـه

الشيخ راشد لي لـه السبعـة أنعـام

جـازاه ربـي مـن فضايـل نعيمـه

عنـا بجنـات بهـا حـور و انعـام

و مكتوم نبـراس المزايـا الحكيمـة

الجود همه و الحلـم طبـع ور الهـام

واهل الوفـا لـي نطلـب الله يديمـه

شيوخنـا لـي لـلامـارات حـكـام

سـلام يـا عيـد يرفـرف نسيـمـه

أعادك الله .. مشـرق الوجـه بسـام

بسم الله الرحمن الرحيم

السلاام عليكم ورحمة الله وبركاته

تسلمين خيتووو ع الموضوع الحلووو والمميز

وكل عام واماراتي بخير ^_^

والله يحفظ الجميع ان شاء الله ^_^